لدي إيمان بأن الأشياء كلما كانت أبسط كلما كانت أجمل, ومن الأمور الآخرى التي أومن بها أن أي شيء نقوم به من أجل كلام الناس لن نجد سعادة به. ليس لدي الرغبة على كتابة أية تفاصيل, فقط رؤوس أقلام!
السيناريو لهذا اليوم سيكون جداً بسيط.
السيناريو لهذا اليوم سيكون جداً بسيط.
بكون بعثت بدلتي على الDry Clean قبل بضع أيام, من صباحية ربنا بروح على صالون الحلاقة, أو حتى أحكيلك بحلق بالبيت -بالآحرى بحددها لحتى ما يطلع شكلي مثل الطفل- وبلمع الكندرة لحد ما تضوي :) وهيك بكون جاهز بعد ما أتحمم كأنه أول يوم عيد!
إلبسي فستانك الأبيض, أو ثوب فلسطيني مطرز . إرفعي شعرك أو جدلي, أو أُنثري وأنا بعملك طوق من زنبق أبيض. العرس هو الزفة بنعزم كل شخص بنعرفه عليها, كل الحارة من صغيرها لكبيرها لقططها وحتى مراق الطريق! وخلي الزغاريد تملئ الشارع من بدايته لنهايته, والفرحة تتوزع على أوجه الجميع بشكل عفوي!
بنعمل حفلة العرس بمزرعة بعيد عن الناس, بيوم صافي والقمر محاق لتكون السما كلها نجوم والقمر عالأرض. بنترك الكل بعد الزفة وبنروح الحفلة بس مع أصحابنا. بدون ما حد يحكيلنا شو نعمل, وقت البوفيه, وقت تقطيع الكيك, وقت رقصة الslow, وقت تتصوروا مع العيلة الخ…
بدون كل هذا الروتين الممل وبعيداً عن النمطية. نرقص ونغني كأنه ما في بكرا, وأسكر من نبيذ شفتيكِ ليطلع الفجر, أول فجر بحياتنا.
